食在澳门

1) 九如坊葡国菜馆: (喷水池附近, Tel: 331-818)

  好鬼佬口味呀, 而且d装修都好欧洲味,个feel 好似去左欧陆咁, d野食就ok la,同小飞象相比呢, 小飞象就近中国人既口味law, 磨菇汤, 个汤ok la, 烧银雪鱼, d汁酸酸地, 最初都几怪, 但系食落就发觉几正; 牛仔肉, 就无个鱼咁精彩,大大件, 不过d肉有 d老...普通la... ,最出名焗鸭饭, 红酒烩牛尾; 木糠布甸 几好.

2) 小飞象: (Tump仔, tel: 827-888)
    大班人d, 就可以试多几款野,不过小飞象既野就唔够九如坊la. 烧风鳝: 大大块,烧到脆卜卜, 几好味. 非洲烧鸡: 好处就系够辣, o岩晒d嗜辣如命既人去食.

3) 玛嘉烈: (路环果间 tel: 882-534)
  食葡鞑, d味道同香港果d唔同架

4) 大利来记 : (Tump仔巴波沙前地18号, tel: 827-150)营业时间：早上6:00 - 晚上6:15

  猪扒包 - 猪扒大大块，炸成金黄松化，而且猪扒经腌制过夜，吃起来肉质特别入味，若配以一杯香浓的、用瓦煲煮成的咖啡，绝对是最佳的享受。

5) 宝石(常记): (喷水池附近, tel: 372-112, 592-604, 596-713)

  胜在平靓正,虽然位于条不大起眼的横街内兼冇乜装修,甚至乎可以用残旧0黎形容, 好有茶居 feel, 但系澳门识食既都会去, 不过要预早两三日订. 推介: 鸡炖翅, 炸子鸡, 霸皇鸭: 真系好正～！！！每人百零蚊...四送一翅, 每人有4碗翅 (普通饭碗), 有兴趣就去试下啦~

6) 法兰度: (黑沙湾, 路环, 千祈唔好搭的士，因为要搭成45min,实比的士佬兜路兼斩到一颈血. 如果真系要搭，便要扮识途老马, tel: 882-264, 882-531, 882-695)

正宗葡国菜如葡国腊肠，红腰豆牛尾，葡国菜汤，马介休炒球，黑椒牛仔骨, 非洲鸡，咖哩蟹及葡国鸡。


  7) 诚昌: (Tump仔, tel: 827-589)

  田鸡蟹粥 about $80一窝

8) 新口岸葡国餐厅: (tel: 703-276, 703-898, 705-616)

  D嘢真系几好味 - 尤其D餐饱, 唔知佢点样将D硬朱仔饱整到咁松脆 - 烧牛仔骨及烧牛肋骨都好好食,正 - 烧鱿鱼都好好食

9) 公鸡葡国餐厅: (Tump仔, 木偶果条街入面, tel: 827-423, 827-318)

    呢间野好家庭式,里面D摆设都好有葡国味道, 最好味的都系磨菇牛柳粒,D牛柳好"淋",最正系D葡汁,真系好好味 , 试下佢个羊煲啦！正！

10) 0系六记红豆饼0个头仲有一间小上海锅贴,
    佢既锅贴同鲜肉包好正

11) 阿丰素三世: (南湾大马路司警总部后面, Tel: 586-272)
    正宗地道葡国菜,马介休好好食,同香港那些简直差天共地, 唔会好咸, 肉地好滑, 不似食咸鱼咁. 马介休沙律: 佢将d马介休起肉, 捞埋薯仔,番茄,青同黑榄,加左d olive oil, 酸酸地, 好开胃, 唔会好似白汁咁"lau", 样样都好大碟, 牛扒两层高架....蚕豆汤,好好味....不过环境就无乜喇,而且门口乜都无,净系得葡文名,黑色玻璃, 唔系特登去,真系行过都唔为意.

12) 海皇饭店（沙嘉都喇街, 地牢果间, Tel: 553-684)

    平靓正粤菜，煲仔翅最抵食，最好夜晚六点去，再夜D会好爆

13) 乐宫(葡京酒店商场, 系茶餐厅, 近江户、Pizza Hut果到有二楼果间, tel: 579-802)

  葡式咖喱、鲍片鸽片饭&摩啰鸡脾饭。超级平靓正

14) 葡京酒店扒房Galleria: (tel. of 葡京酒店: 577-666转内线)
    牛扒羊扒最坚，可和香港任何一间比较, 平过香港、正过香港。

15) 江户日本料理: (葡京酒店商场, tel. of 葡京酒店: 577-666)
    中华面(真正日本手拉)、珍珠蚝(随缘，日本飞机返，卖晒就无). 重有神户牛柳。

16) 保记:
  d牛腩河好正, d 河粉都好重牛腩味..牛腩本身好稔好滑...都系十皮一碗

17) 好运葡国餐厅:
    香港都有...烧风膳,蒜茸扒大虾,西炒饭.. ...烧风膳食落去好似食日式馒鱼..d皮好脆.....个蒜茸大虾.... 唔错...西炒饭就................唔系好够镬气....


18) 葡京四五六: (Tel: 377-666转内线)    
    全澳门最好o既上海菜, 前澳督夫人每个月最少去食一次

  19) 坤记: (东望洋圣公会蔡高学校对面)
    牛尾 d肉好谂, 再配以红汁同埋新鲜香甜椰菜, 好正!! 半只烧鸡, d鸡肉好嫩滑, 唯一美中不足系稍嫌细只o左d, 以炸薯仔做伴菜,d薯仔好香口! 烧沙甸鱼, 好脆! 以带有浓郁新鲜柠檬香味既田园沙律作伴碟, 食完条鱼再食沙律,感觉似将肠胃清洗干净般, 好舒服!

   
20) 春两坊: DD(26/1/00):

    东方美人骨，红茶猪, 扒饭，紫米丸，鲜奶饼，芝麻奶露, 南瓜糕........Ｄ野清清地，好味道，可惜试唔到南瓜糕，因为卖哂！

21) 船屋餐厅: (妈阁庙附近)  
    食葡国菜, 牛肚豆, 葡式焗蚬, 咖喱蟹, 烧大虾。

22) 大三元粥店: (买猪肉干果条街)
   
    金银丸粥....好味, 金银丸系猪肉丸和牛肉丸, 间粥店好旧式的. 一日开几小时，时间系下午12点到5点左右。

23) 宝记面食 - 地址：罗利老马路15号A 电话：300 301

    铺仔细细，郤人潮如龙，是下午茶、宵夜的旺场，一碗美味的靓油面最重要是捞面的手势，多年经验的宝记师傅可掌握得恰到好处。要令油面更惹味，最紧要加洋葱辣！香脆炸大肠 好味

24) 义顺牛奶 : 地址：议事亭前地7号 电话：573 683

有150年历史, 推介：双皮炖奶、姜汁撞奶、木瓜奶。

25) 武二 : 地址：黑沙湾佑汉第八街泉碧商场BG铺91号 电话：430 846

    弹牙乒乓牛丸，真是乒乓波咁大的牛丸，而其碎肉粉更令你一吃再吃，记得在吃之前加些武二自制辣椒仔，小心可能你会吃上瘾。

26) 礼记雪糕 : 地址：荷兰园大马路12号 - 12号A 电话：375 781

是澳门唯一一间自制雪糕的店铺。出名的香芋雪糕，红豆雪条同雪糕砖。 雪糕全部都是用新鲜水果做原料，入口阵阵清新果香！

推介：香芋雪糕，芒果雪糕，雪糕砖，红豆雪条及莲花杯。