食在澳門

1) 九如坊葡國菜館: (噴水池附近, Tel: 331-818)

  好鬼佬口味呀, 而且d裝修都好歐洲味,個feel 好似去左歐陸咁, d野食就ok la,同小飛象相比呢, 小飛象就近中國人既口味law, 磨菇湯, 個湯ok la, 燒銀雪魚, d汁酸酸地, 最初都幾怪, 但係食落就發覺幾正; 牛仔肉, 就無個魚咁精彩,大大件, 不過d肉有 d老...普通la... ,最出名焗鴨飯, 紅酒燴牛尾; 木糠布甸 幾好.

2) 小飛象: (Tump仔, tel: 827-888)
    大班人d, 就可以試多幾款野,不過小飛象既野就唔夠九如坊la. 燒風鱔: 大大塊,燒到脆卜卜, 幾好味. 非洲燒雞: 好處就係夠辣, o岩晒d嗜辣如命既人去食.

3) 瑪嘉烈: (路環果間 tel: 882-534)
  食葡韃, d味道同香港果d唔同架

4) 大利來記 : (Tump仔巴波沙前地18號, tel: 827-150)營業時間：早上6:00 - 晚上6:15

  豬扒包 - 豬扒大大塊，炸成金黃鬆化，而且豬扒經醃製過夜，吃起來肉質特別入味，若配以一杯香濃的、用瓦煲煮成的咖啡，絕對是最佳的享受。

5) 寶石(常記): (噴水池附近, tel: 372-112, 592-604, 596-713)

  勝在平靚正,雖然位於條不大起眼的橫街內兼冇乜裝修,甚至乎可以用殘舊0黎形容, 好有茶居 feel, 但係澳門識食既都會去, 不過要預早兩三日訂. 推介: 雞炖翅, 炸子雞, 霸皇鴨: 真係好正～！！！每人百零蚊...四送一翅, 每人有4碗翅 (普通飯碗), 有興趣就去試下啦~

6) 法蘭度: (黑沙灣, 路環, 千祈唔好搭的士，因為要搭成45min,實比的士佬兜路兼斬到一頸血. 如果真係要搭，便要扮識途老馬, tel: 882-264, 882-531, 882-695)

正宗葡國菜如葡國臘腸，紅腰豆牛尾，葡國菜湯，馬介休炒球，黑椒牛仔骨, 非洲雞，咖哩蟹及葡國雞。


  7) 誠昌: (Tump仔, tel: 827-589)

  田雞蟹粥 about $80一窩

8) 新口岸葡國餐廳: (tel: 703-276, 703-898, 705-616)

  D嘢真係幾好味 - 尤其D餐飽, 唔知佢點樣將D硬朱仔飽整到咁鬆脆 - 燒牛仔骨及燒牛肋骨都好好食,正 - 燒魷魚都好好食

9) 公雞葡國餐廳: (Tump仔, 木偶果條街入面, tel: 827-423, 827-318)

    呢間野好家庭式,裏面D擺設都好有葡國味道, 最好味的都係磨菇牛柳粒,D牛柳好"淋",最正係D葡汁,真係好好味 , 試下佢個羊煲啦！正！

10) 0係六記紅豆餅0個頭仲有一間小上海鍋貼,
    佢既鍋貼同鮮肉包好正

11) 阿豐素三世: (南灣大馬路司警總部後面, Tel: 586-272)
    正宗地道葡國菜,馬介休好好食,同香港那些簡直差天共地, 唔會好鹹, 肉地好滑, 不似食鹹魚咁. 馬介休沙律: 佢將d馬介休起肉, 撈埋薯仔,番茄,青同黑欖,加左d olive oil, 酸酸地, 好開胃, 唔會好似白汁咁"lau", 樣樣都好大碟, 牛扒兩層高架....蠶豆湯,好好味....不過環境就無乜喇,而且門口乜都無,淨係得葡文名,黑色玻璃, 唔係特登去,真係行過都唔為意.

12) 海皇飯店（沙嘉都喇街, 地牢果間, Tel: 553-684)

    平靚正粵菜，煲仔翅最抵食，最好夜晚六點去，再夜D會好爆

13) 樂宮(葡京酒店商場, 係茶餐廳, 近江戶、Pizza Hut果到有二樓果間, tel: 579-802)

  葡式咖喱、鮑片鴿片飯&摩囉雞脾飯。超級平靚正

14) 葡京酒店扒房Galleria: (tel. of 葡京酒店: 577-666轉內線)
    牛扒羊扒最堅，可和香港任何一間比較, 平過香港、正過香港。

15) 江戶日本料理: (葡京酒店商場, tel. of 葡京酒店: 577-666)
    中華麵(真正日本手拉)、珍珠蠔(隨緣，日本飛機返，賣晒就無). 重有神戶牛柳。

16) 保記:
  d牛腩河好正, d 河粉都好重牛腩味..牛腩本身好稔好滑...都係十皮一碗

17) 好運葡國餐廳:
    香港都有...燒風膳,蒜茸扒大蝦,西炒飯.. ...燒風膳食落去好似食日式饅魚..d皮好脆.....個蒜茸大蝦.... 唔錯...西炒飯就................唔係好夠鑊氣....


18) 葡京四五六: (Tel: 377-666轉內線)    
    全澳門最好o既上海菜, 前澳督夫人每個月最少去食一次

  19) 坤記: (東望洋聖公會蔡高學校對面)
    牛尾 d肉好諗, 再配以紅汁同埋新鮮香甜椰菜, 好正!! 半隻燒雞, d雞肉好嫩滑, 唯一美中不足係稍嫌細隻o左d, 以炸薯仔做伴菜,d薯仔好香口! 燒沙甸魚, 好脆! 以帶有濃郁新鮮檸檬香味既田園沙律作伴碟, 食完條魚再食沙律,感覺似將腸胃清洗乾淨般, 好舒服!

   
20) 春兩坊: DD(26/1/00):

    東方美人骨，紅茶豬, 扒飯，紫米丸，鮮奶餅，芝麻奶露, 南瓜糕........Ｄ野清清地，好味道，可惜試唔到南瓜糕，因為賣哂！

21) 船屋餐廳: (媽閣廟附近)  
    食葡國菜, 牛肚豆, 葡式焗蜆, 咖喱蟹, 燒大蝦。

22) 大三元粥店: (買豬肉乾果條街)
   
    金銀丸粥....好味, 金銀丸係豬肉丸和牛肉丸, 間粥店好舊式的. 一日開幾小時，時間係下午12點到5點左右。

23) 寶記麵食 - 地址：羅利老馬路15號A 電話：300 301

    舖仔細細，郤人潮如龍，是下午茶、宵夜的旺場，一碗美味的靚油麵最重要是撈麵的手勢，多年經驗的寶記師傅可掌握得恰到好處。要令油麵更惹味，最緊要加洋蔥辣！香脆炸大腸 好味

24) 義順牛奶 : 地址：議事亭前地7號 電話：573 683

有150年歷史, 推介：雙皮燉奶、薑汁撞奶、木瓜奶。

25) 武二 : 地址：黑沙灣祐漢第八街泉碧商場BG舖91號 電話：430 846

    彈牙乒乓牛丸，真是乒乓波咁大的牛丸，而其碎肉粉更令你一吃再吃，記得在吃之前加些武二自制辣椒仔，小心可能你會吃上癮。

26) 禮記雪糕 : 地址：荷蘭園大馬路12號 - 12號A 電話：375 781

是澳門唯一一間自製雪糕的店鋪。出名的香芋雪糕，紅豆雪條同雪糕磚。 雪糕全部都是用新鮮水果做原料，入口陣陣清新果香！

推介：香芋雪糕，芒果雪糕，雪糕磚，紅豆雪條及蓮花杯。