阿仙奴出二億搶羅賓奴
28/06/2005


近兩年於轉會市場較靜阿仙奴，終於有單轟動轉會消息。「兵工廠」準備以一千四百萬鎊（約二億港元）收購巴西「新比利」羅賓奴，同皇馬大拗手瓜。阿仙奴去季黯然無光，聯賽同車仔冇得鬥，僅擊敗曼聯奪得足總杯，老細同球迷都唔多滿意，所以決定高價買羅賓奴。據講皇馬原本同山度士達成初步協議，轉會費為一千二百萬鎊，依家阿仙奴加入戰團，大多你二百萬鎊，山度士當然要再考慮，皇馬要奪得羅賓奴，睇又要再破財。羅賓奴腳法佳、速度快，而且走位又靈活刁鑽，係個用腦踢波球員，晒阿仙奴踢法，如果搵到佢拍亨利，威力都幾得人驚！